9 mánuðir
9 mánuðir er sjálfstætt starfandi heilsumiðstöð fyrir alla fjölskylduna. Eins og vænta má, bjóðum við uppá ýmsar meðferðir og námskeið fyrir konur og maka í barneignarferlinu en við bjóðum aðra fjölskyldumeðlimi einnig velkomna og höfum ýmislegt á boðstólum.
Við bjóðum uppá sónarskoðanir á meðgöngu, snemmsónar, tvívíddar- og þrívíddarsónar og nú stuttan 15 mínútna sónar.
Fyrir utan sónarskoðanir eru í boði ýmsar meðferðir svo sem almennt nudd, sogæða- og meðgöngunudd og námskeið, sem undirbúa verðandi foreldra fyrir foreldrahlutverkið. Námskeiðin sem í boði eru fæðingarfræðsla, brjóstagjafanámskeið, tvíburanámskeið og ungbarnanudd.
Við leggjum mikið upp úr því að viðskiptavinir okkar fái góða þjónustu og finni að þeir séu í góðum höndum þar sem við setjum samstarfsfólki okkar ákveðinn mælikvarða varðandi faglegheit og framkomu.
Fyrirtækið 9 mánuðir var stofnað af Guðlaugu Maríu Sigurðardóttur ljósmóður árið 2001. Í upphafi var eingöngu boðið upp á nudd og nálastungur. Í janúar árið 2006 var síðan byrjað að bjóða upp á valkvæðar 2D og 3D sónarskoðanir.
Árið 2014 keyptu ljósmæðurnar Elín Arna Gunnarsdóttir og Guðrún Gunnlaugsdóttir fyrirtækið og héldu áfram óbreyttri starfsemi sónarskoðana auk þess að bjóða upp á fæðingarfræðslunámskeið fyrir verðandi foreldra. Þær Elín og Guðrún höfðu þá þegar verið með fæðingarfræðslunámskeið frá árinu 2010 hjá 9 mánuðum.
Fljótlega var einnig boðið uppá brjóstagjafanámskeið og nú einnig tvíburanámskeið.
Öll þessi námskeið eru haldin af ljósmæðrum með mikla faglega reynslu af klínisku starfi.
Vorið 2024 bættist svo við námskeið í ungbarnanuddi fyrir verðandi foreldra.
Árið 2018 hófum við að bjóða upp á snemmómskoðanir sem eru gerðar frá sjöundu viku meðgöngu. Áður hafði þessi þjónusta eingöngu verið í boði hjá sjálfstætt starfandi kvensjúkdómalæknum. Þær ljósmæður sem framkvæma snemmómskoðanir hjá okkur eru ljósmæður með sérmenntun í fósturgreiningum og starfa einnig á fósturgreiningadeild LSH og á Akranesi.
Í lok árs 2022 keypti Elín Arna Gunnarsdóttir hlut Guðrúnar og er nú eini eigandi 9 mánaða.
Fyrirtækið er með tvö sónartæki, bæði af gerðinni Genereal Electric Voluson. GE sónartæki eru tæki í háum gæðaflokki og uppfylla öll öryggisskilyrði sem slík tæki þurfa að uppfylla. Voluson eru leiðandi á sviði sónartækni í heiminum í dag.
Annarsvegar er um að ræða GE Voluson E8 sónartæki árg. 2021, sem byggir á HD live tækni sem er það nýjasta í heiminum í dag. Afburða upplausn sem gefur einstaklega raunverulegar og skarpar myndir. Hinsvegar GE Voluson S8 árg. 2020, sem notað er fyrir 2D skoðanir og snemmómskoðanir.
