Skip to content

Fæðingarfræðsla

Fæðingarundirbúningur fyrir verðandi foreldra.

Ljósmæður sem sinna fæðingarfræðslu 9 mánaða starfa við fæðingar ásamt því að sinna annarri fæðingarþjónustu eins og mæðravernd og heimaþjónustu. Þær eru: Jóhanna María Friðriksdóttir, Elín Inga Lárusdóttir, Valborg Bjarnadóttir og Svandís Edda.
Umsjón með námskeiðum 9 mánaða hefur ljósmóðirin Elín Arna Gunnarsdóttir.

Á námskeiðunum er lögð áhersla á:

  • Fæðinguna sjálfa, hvað er að gerast í líkamanum þegar fæðingin hefst. Lögð er áhersla á að konan þekki viðbrögð líkama síns þegar fæðingarhríðar hefjast og hvernig best er að vinna með líkamanum. Leggjum áherslu á öndunartækni, nudd, slökun sem og aðrar verkjameðferðir.

  • Efla sjálfsöryggi og sjálfshjálp verðandi foreldra, hvað þau geta sjálf gert til að þeim líði sem best í fæðingunni.

  • Umönnun nýfædda barnsins og fyrstu dagana í lífi þess.

Markmið með námskeiðinu er

  • Að verðandi foreldrar öðlist hagnýta þekkingu á fæðingunni og getið valið á milli ýmissa valkosta sem upp koma í fæðingu, t.d. mismunandi fæðingastellinga, verkjameðferða o.fl.

  • Að efla sjálfsöryggi og sjálfshjálp verðandi foreldra.

  • Að fræða foreldra um nýfædda barnið og fyrstu dagana í lífi þess.

Námskeiðin fara fram í notalegri setustofu í húsnæði okkar að Hlíðasmára 10, Kópavogi. Notalegt umhverfi, fámennur hópur og faglegir og reynslumiklir leiðbeinendur.  Hvert námskeið er eitt skipti, 3 – 3,5 klst í senn.

Skráning fer fram hér á heimasíðunni undir „Bóka tíma“ eða með því að senda póst á [email protected].  Gott er að skrá sig með góðum fyrirvara og við mælum með að koma í viku 32. eða síðar.
Vinsamlegast setjið bæði nöfnin við bókun, ef um er að ræða maka/fæðingarfélaga. 
Mikilvægt er að verðandi móðir og faðir/maki eða annar fæðingarfélagi mæti saman á námskeiðið. 

Verð kr. 18.990 fyrir parið.
Upplýsingar um greiðslufyrirkomulag er sent til þátttakenda í þeim mánuði sem námskeiðið er haldið.


NÆSTU NÁMSKEIÐ

Júlí
Mánudagur 27. júlí, kl. 18 – laust fyrir eitt par

Ágúst
Miðvikudagur 12. ágúst, kl. 18
Miðvikudagur 19. ágúst, kl. 18
Þriðjudagur 25. ágúst, kl. 18

September
Þriðjudagur 1. sept, kl. 18
Fimmtudagur 24. sept, kl. 18

Október
Þriðjudagur 6. okt, kl. 18
Mánudagur 19. okt, kl. 18

Nóvember
Miðvikudagur 18. nóv, kl. 18

Desember
Miðvikudagur 16. des, kl. 18

ATH! Ef fullbókað er á námskeið er hægt að biðja um að vera á biðlista.

Fæðingafræðslunámskeiðið hjá 9 mánuðum var mjög áhugavert, fræðandi, þar komu fram góðar upplýsingar bæði um hagnýt atriði er varða meðgönguna sjálfa, fæðinguna og fyrstu daga barnsins. Fyrir á ég 2 börn og hef því gengið í gegnum þetta ferli tvisvar sinnum áður en ég mun nýta mér þetta námskeið mikið þegar kemur að stóra deginum, ég mæli tvímælalaust með þessu námskeiði bæði fyrir verðandi foreldra með fyrsta barn og einnig fólk sem á börn fyrir.
Inga
Við hjónaleysin sóttum ýmis námskeið á meðgöngunni og fæðingarnámskeiðið hjá 9 mánuðum var eitt þeirra og vorum hæstánægð með reynsluna af því – hópurinn var lítill sem gaf tækifæri á nánd og því að spyrja spurninga sem vöknuðu á meðan fræðslunni stóð. Það að klára námskeiðið af á einu kvöldi fannst okkur einnig afar hentugt sem og það að finna að okkur var velkomið að hafa samband við námskeiðshaldara ef frekari spurningar vöknuðu. Öll umgjörð að þessu námskeiði var til fyrirmyndar .
Anna
Ég og maðurinn minn vorum svakalega ánægð með fæðingarnámskeiðið hjá 9 mánuðum. Andrúmsloftið á námskeiðinu var notalegt og afslappað. Maðurinn minn var sérstaklega ánægður með að það var fjallað um hvað hann gæti gert til að hjálpa til í fæðingunni, hvernig væri gott að nudda osfr. Öndunartækni til að nota í fæðingunni var líka tekin vel fyrir og ég notaði hana svo í sjálfri fæðingunni og það hjálpaði mér alveg helling og svona mætti lengi telja.
Kristín
Á fæðingarfræðslunámskeiðinu var farið yfir öll helstu atriði tengd fæðingu á ítarlegan og áhugaverðan hátt. Við erum ekki í nokkrum vafa um að við, væntanlegir foreldrarnir, séum töluvert undirbúnari undir fæðingu eftir að hafa setið námskeiðið enda eru ýmsir þættir fæðingarinnar, sem áður voru óljósir, nú skýrari. Fyrir vikið mælum við hiklaust með námskeiðinu fyrir alla verðandi foreldra.
Kristín og Gulli Jón
Takk fyrir fræðandi og skemmtilegt námskeið! Við tökum helling með okkur inn í þetta nýja ferli.
Frábært námskeið! Farið yfir alla þá hluti sem nýjir foreldrar spá í án nokkurs áróðurs. Manninum mínum finnst hlutverk sitt miklu skýrara, og honum finnst hann vita meira hvað er í vændum heldur en áður. Hann segir að þetta ætti í raun að vera skylda fyrir alla nýja verðandi feður. Virkilega fræðandi og hvetjandi í alla staði! Mæli með þessu fyrir alla!
Gréta
"Bara yndislegt að fá góða yfirferð yfir allt sem er í boði í kringum fæðingu"
þátttakandi
"Virkilega fróðlegt og gott námskeið. Ánægð að við komum"
Verðandi móðir
"Mjög gott og fræðandi námskeið sem mun nýtast okkur vel í fæðingu"
"Minnkaði óvissu og var hvetjandi"
"Flott námskeið, upplýsandi og skemmtilegt"
ónefndur
"Mjög kósý og huggulegt námskeið, fræðandi"
ánægður þátttakandi
"Mjög ánægð með námskeiðið, notalegt andrúmsloft og fínt hvað það voru ekki of margir á námskeiðinu"
námskeiðsþátttakandi
"Frábært námskeið. Heimilislegt og góð aðstaða"
nafnlaust
"Virkilega fagmannlegt námskeið. Mæli með fyrir alla verðandi foreldra, takk fyrir okkur."
verðandi foreldrar
"Takk fyrir fræðandi og skemmtilegt námskeið! Við tökum helling með okkur inn í þetta nýja ferli!"
Bara ótrúlega fróðlegt og gott námskeið til að undirbúa sig undir nýtt hlutverk og stóra mikilfenglega upplifun. Ljósmóðirin gerði þetta mjög vel.
Frábært og fræðandi námskeið sem mun nýtast vel! Ánægð hvað það var hreinskilið sagt frá. Takk fyrir okkur!
þátttakandi á námskeiðinóv. ´22
Glæsileg kennsla og upplýsingarnar nýttust okkur mjög vel, takk fyrir okkur
þátttakandinóv. ´22
Bara mjög frábært námskeið og vel miðlað. Við lærðum heilan helling!
ánægðir verðandi foreldrarnóv. ´22
Alltaf hlýleg og persónuleg námskeið hér. Takk fyrir okkur
fastagestir á 9 mánuðum😀
Frábært námskeið og mjög áhugasamur kennari sem gerði góða kennslu betri!
verðandi foreldri Fæðingarfræðsla
Mjög nytsamlegar upplýsingar og hjálpar manni að undirbúa sig. Margar góðar spurningar sem ljósmóðirin nefndi sem við þurfum að ákveða fyrir fæðinguna.
þátttakendur á fæðingarfræðsluoktóber ´23
Hjálplegt að hafa dúkkuna og aukahlutina til að aðstoða við að útskýra "myndrænt". Mjög fróðlegt, þægilegt umhverfi og nærvera.
Sáttur þátttakandiFæðingarfræðsla
Previous
Next

Höfundaréttur 2024 9manudir.is. Allur réttur áskilinn

Vefur frá Vefsíða.is