Snemmsónar

Ómskoðun sem gerð er fyrir 12 vikna meðgöngu kallast snemmsónar / snemmómskoðun.

Tilgangur skoðunarinnar er að staðfesta þungun í legi og meta meðgöngulengd. Í skoðuninni er athugað hvort fóstrið sé á réttum stað (inni í leginu) og ef fleiri en eitt fóstur sjást er fjöldi fóstra talinn. Hjartsláttur fósturs metinn og meðgöngulengd áætluð með mælingu á stærð fósturs. Hjartsláttur er metinn sjónrænt en ekki mælt með að hlusta fósturhjartslátt fyrir 12. viku meðgöngu þar sem það getur valdið skaða á viðkvæmum vefjum fóstursins.*

Almennt er skoðað í gegnum kviðvegginn (rétt fyrir ofan lífbein) en ef þörf er á er hægt að skoða gegnum leggöng. Mælt er með að hafa fulla þvagblöðru til þess að myndgæðin verði sem ákjósanlegust. Þetta þýðir að kona sem kemur í skoðun eigi helst ekki að hafa þvaglát 2 klukkustundum fyrir ómskoðunina, og drekka 1-2 glös af einhverjum vökva.

Hjá 9 mánuðum er boðið upp á þessa skoðun frá 7 vikum til viku 13. Barnshafandi konum er velkomið að koma aftur í snemmsónar á meðgöngunni og geta þá bókað sig í Snemmsónar – auka heimsókn (ódýrari tími).

Ljósmæðurnar Signý Dóra Harðardóttir, Ásthildur Gestsdóttir og Sigrún Huld sjá um snemmómskoðanir hjá 9 mánuðum.  Þær hafa sérhæfingu í ómskoðunum á meðgöngu og starfa með leyfi Landlæknis við snemmómskoðanir.

Hægt er að bóka tíma hér efst á síðunni, velja Snemmsónar.

Einnig er hægt að senda tölvupóst með fyrirspurnum á:
[email protected] 

Það getur komið fyrir að við 7 vikna meðgöngu sjáist ekki fóstur né hjartsláttur. Þá getur verið að konan sé mögulega ekki þunguð, að meðgangan sé styttri á veg komin en áætlað var eða annað. Í þessum tilfellum verður boðið upp á nýja skoðun 2 vikum seinna.

*Nákvæm meðgöngulengd er metin í 12 vikna ómskoðun sem fer fram á Fósturgreiningardeild Landspítalans (fyrir Höfuðborgarsvæðið).