Fæðingarfræðsla

Fæðingarundirbúningur fyrir verðandi foreldra.

Umsjón með námskeiðum 9 mánaða hafa ljósmæðurnar Guðrún I. Gunnlaugsdóttir og Elín Arna Gunnarsdóttir.

Ljósmæður sem sinna fæðingarfræðslu 9 mánaða starfa við fæðingar ásamt því að sinna annarri fæðingarþjónustu eins og mæðravernd og heimaþjónustu. Þær eru: Hildur Sólveig Ragnarsdóttir, Halla Björg Lárusdóttir, Hafdís Hanna Birgisdóttir, Heiðdís Dögg Sigurbjörnsdóttir, Ingibjörg Ýr Óskarsdóttir, Jóhanna María Friðriksdóttir, Guðrún Gunnlaugs og Elín Arna.

Á námskeiðunum er lögð áhersla á:

Fæðinguna sjálfa, hvað er að gerast í líkamanum þegar fæðingin hefst. Lögð er áhersla á að konan þekki viðbrögð líkama síns þegar fæðingarhríðar hefjast og hvernig best er að vinna með líkamanum. Leggjum áherslu á öndunartækni, nudd, slökun sem og aðrar verkjameðferðir
Efla sjálfsöryggi og sjálfshjálp verðandi foreldra, hvað þau geta sjálf gert til að þeim líði sem best í fæðingunni.
Umönnun nýfædda barnsins og fyrstu dagana í lífi þess

Markmið með námskeiðinu er

Að verðandi foreldrar öðlist hagnýta þekkingu á fæðingunni og getið valið á milli ýmissa valkosta sem upp koma í fæðingu, t.d. mismunandi fæðingastellinga, verkjameðferða o.fl.
Að efla sjálfsöryggi og sjálfshjálp verðandi foreldra
Að fræða foreldra um nýfædda barnið og fyrstu dagana í lífi þess

Við mælum með að koma í viku 32. eða síðar. Námskeiðin fara fram í notalegri setustofu í húsnæði okkar að Hlíðasmára 10, Kópavogi. Notalegt umhverfi, fámennur hópur og faglegir og reynslumiklir leiðbeinendur. Hvert námskeið er eitt skipti, 3 klst. í senn.

Mikilvægt er að verðandi móðir og faðir/maki eða annar fæðingarfélagi mæti saman á námskeiðið.

Skráning fer fram hér á heimasíðunni undir „Bóka tíma“ eða með því að senda póst á info@9manudir.is. Vinsamlegast setjið bæði nöfnin við bókun, ef um er að ræða maka/fæðingarfélaga. Gott er að skrá sig með góðum fyrirvara.

Verð kr. 15.000 fyrir parið.

Upplýsingar um greiðslufyrirkomulag er síðan sent til þátttakenda í þeim mánuði sem námskeiðið er haldið.

NÆSTU NÁMSKEIÐ

Ágúst – Staðarnámskeið
Mánudagur 16. ágúst kl. 18-21 – FULLT
Þriðjudagur 17. ágúst kl. 18-21 – FULLT
Mánudagur 23. ágúst kl. 18-21 – FULLT
Miðvikudagur 25. ágúst kl. 18-21 – FULLT
Laugardagur 28. ágúst kl. 11-14 – FULLT
Mánudagur 30. ágúst kl. 18-21 – FULLT

September – Staðarnámskeið
Mánudagur 6. september kl. 18-21 – Rafrænt á Zoom
Þriðjudagur 7. september kl. 18-21 – FULLT
Fimmtudagur 9. september kl. 18-21
Þriðjudagur 14. september kl. 18-21
Mánudagur 20. september kl. 18-21
Þriðjudagur 21. september kl. 18-21

ATH! ef fullbókað er á námskeið er hægt að biðja um að vera á biðlista.

Umsagnir þátttakenda:

“Frábært námskeið! Farið yfir alla þá hluti sem nýjir foreldrar spá í án nokkurs áróðurs.

Manninum mínum finnst hlutverk sitt miklu skýrara, og honum finnst hann vita meira hvað er í vændum heldur en áður. Hann segir að þetta ætti í raun að vera skylda fyrir alla nýja verðandi feður.

Virkilega fræðandi og hvetjandi í alla staði! Mæli með þessu fyrir alla!”

Gréta

Foreldrafræðslunámskeiðið hjá 9 mánuðum var mjög áhugavert, fræðandi, þar komu fram góðar upplýsingar bæði um hagnýt atriði er varða meðgönguna sjálfa, fæðinguna og fyrstu daga barnsins.

Fyrir á ég 2 börn og hef því gengið í gegnum þetta ferli tvisvar sinnum áður en ég mun nýta mér þetta námskeið mikið þegar kemur að stóra deginum, ég mæli tvímælalaust með þessu námskeiði bæði fyrir verðandi foreldra með fyrsta barn og einnig fólk sem á börn fyrir.

Inga

Við hjónaleysin sóttum ýmis námskeið á meðgöngunni og fæðingarnámskeiðið hjá 9 mánuðum var eitt þeirra og vorum hæstánægð með reynsluna af því – hópurinn var lítill sem gaf tækifæri á nánd og því að spyrja spurninga sem vöknuðu á meðan fræðslunni stóð.

Það að klára námskeiðið af á einu kvöldi fannst okkur einnig afar hentugt sem og það að finna að okkur var velkomið að hafa samband við námskeiðshaldara ef frekari spurningar vöknuðu.

Öll umgjörð að þessu námskeiði var til fyrirmyndar .

Anna

“Ég og maðurinn minn vorum svakalega ánægð með fæðingarnámskeiðið hjá 9 mánuðum. Andrúmsloftið á námskeiðinu var notalegt og afslappað. Maðurinn minn var sérstaklega ánægður með að það var fjallað um hvað hann gæti gert til að hjálpa til í fæðingunni, hvernig væri gott að nudda osfr. Öndunartækni til að nota í fæðingunni var líka tekin vel fyrir og ég notaði hana svo í sjálfri fæðingunni og það hjálpaði mér alveg helling og svona mætti lengi telja.”

Kristín

Á fæðingarfræðslunámskeiðinu var farið yfir öll helstu atriði tengd fæðingu á ítarlegan og áhugaverðan hátt. Við erum ekki í nokkrum vafa um að við, væntanlegir foreldrarnir, séum töluvert undirbúnari undir fæðingu eftir að hafa setið námskeiðið enda eru ýmsir þættir fæðingarinnar, sem áður voru óljósir, nú skýrari. Fyrir vikið mælum við hiklaust með námskeiðinu fyrir alla verðandi foreldra.

Kristín og Gulli Jón