Um okkur

9 Mánuðir

9 mánuðir er sjálfstætt starfandi  heilsumiðstöð fyrir alla fjölskylduna.

Eins og vænta má bjóðum við uppá ýmsar meðferðir og námskeið fyrir konur og maka í barneigarferlinu en við bjóðum aðra fjölskyldumeðlimi einnig velkomna og höfum ýmislegt á boðstólum.

Fyrir utan tvívíddar- og þrívíddarsónarskoðanir á meðgöngu eru í boði ýmsar meðferðir svo sem almennt nudd, svæða- sogæða- og meðgöngunudd, nálastungur og námskeið sem undirbúa verðandi foreldra fyrir fæðinguna og foreldrahlutverkið.

Við leggjum mikið upp úr því að viðskiptavinir okkar fái góða þjónustu og finni að þeir séu í góðum höndum þar sem við setjum samstarfsfólki okkar ákveðinn mælikvarða varðandi faglegheit og framkomu.

Allir starfsmenn 9 mánaða hafa haldgóða viðeigandi menntun og allir nuddarar hafa lokið viðurkenndu nuddnámi og eru í Félagi íslenskra heilsunuddara  Sjá Starfsfólk (myndir og síma) á forsíðu.