Núvitund á meðgöngu

Meiri vellíðan og minni streita

Umsjón með námskeiði hafa: Rakel Guðbjörnsdóttir: B.A. í sálfræði, heilsu- og meðgöngunuddari. Með meistaragráðu í foreldrafræðslu og uppeldisráðgjöf við HÍ og Heilsumarkþjálfi frá Institute of Integrative Nutrition (IIN) Helena Rut Sigurðardóttir leikskólakennari og með meistaragráðu í foreldrafræðslu og uppelisráðgjöf frá HÍ.

Markmið námskeiðsins er að gefa foreldrum verkfæri til að líta inná við, tengjast sjálfum sér með aðferðum núvitundar og með því að auka velllíðan og draga úr streitu á meðgöngunni og eftir fæðingu.

Næsta námskeið hefst mánudaginn 9.mars kl. 18.00

Kennt er fjóra mánudaga, 9, 16, 23 og 30. mars kl. 18.00-21.00

● Hvað núvitund er og hvaðan hún kemur
● Ávinning þess að tileinka sér núvitund og rannsóknir sem styðja það
● Hvernig núvitund stuðlar að auknu jafnvægi og vellíðan á meðgöngu
● Formlegar núvitundaræfingar, sem og óformlegar, með það að markmiði að minnka streitu og auka hamingju og vellíðan á meðgöngunni, þegar líða fer að fæðingu og áfram. Kostir núvitundarþjálfunar á meðgöngu sem rannsóknir hafa stutt:
● Eykur almenna vellíðan á meðgöngunni og eftir hana
● Minnkar streitueinkenni, kvíða og depurð á meðgöngunni, við og eftir fæðingu
● Eykur meðvitund um andlega og líkamlega líðan á meðgöngu
● Hjálpar til að halda ró og sjálfsstjórn
● Eykur jákvæðar tilfinningar, hamingju, þakklæti, von og bjartsýni
● Eykur lífsgleði, sjálfsöryggi og vellíðan á meðgöngu og eftir fæðingu
●  Getur minnkað líkur á fyrirburafæðingum
● Eykur þrautsegju/seiglu og sjálfs-samkennd á meðgöngu, við og eftir fæðingu
● Tengsl verða sterkari á milli móður og barns/barna á meðgöngu og eftir fæðingu. Nauðsynlegt að skrá sig fyrirfram.
● Við mælum með að koma í kringum 20. viku meðgöngu eða komnar lengra.
● Aðeins eru 6-8 konur á hverju námskeiði.
● Námskeiðin fara fram í notalegri setustofu í húsnæði okkar að Hlíðasmára 10 Kópavogi. Notalegt umhverfi, fámennur hópur og faglegir og reynslumiklir leiðbeinendur.
● Hvert námskeið er fjögur skipti, 2 klst. í senn.
● Fjölbreytt heimavinna er lögð fyrir og góður tími á milli skipta til að æfa sig.

Verð kr. 22.000.- Innifalið í námskeiðinu er vinnubók og létt hressing í hvert skipti.
Skráning fer fram með því að senda póst á info@9manudir.is, eða  rakel@9manudir.is

Umsagnir:

„Ég var búin að tileinka mér núvitund og mæli með því að aðrir gefi því tíma, því þú munt sjá mun. Mér fannst þið fara vel yfir efnið og gefa manni góð verkfæri.”

„Mér finnst frábært að það sé verið að kenna konum að tileinka sér núvitund, sérstaklega á meðgöngu. “

„Yndislegt námskeið sem kennir manni leiðir til þess að minnka stress og finna ró.”

„Mér fannst þetta yndislegt námskeið með góðum hópi af konum. Það hjálpaði mér að hætta að hugsa of mikið um framtíðina og fókusera frekar á að finna ró í núinu.”

„Yndislega notalegt námskeið með frábærum leiðbeinendum. Ég hafði alltaf verið mjög föst í að hugsa mikið um framtíðina og gleymdi oft að njóta og raunverulega upplifa það sem var að gerast. Eftir námskeiðið þá man ég mun oftar eftir því að njóta augnabliksins og taka eftir því sem er í kringum mig.”

„Þetta námskeið var rosalega góð áminning að stoppa og taka eftir augnablikinu, tók eftir mun fleiri stundum þar sem ég tók eftir tilfinningum mínum og því sem var í kringum mig.

„Mér fannst það mjög hjálplegt við að díla við kvíða og stress.”

„Jákvæðni, skemmtilegur hópur, opnar hugann.”

Þetta námskeið vekur mann til umhugsunar um að njóta augnabliksins og vera í núinu. Taka eftir litlu hlutunum. Hjálpar manni að sjá mikilvægi þess að setja sjálfan sig í fyrsta sæti til að verða betra foreldri. Besta sjálfsvinna sem ég hef farið í og námskeiðið var miklu meira en ég átti von á.

Það er svo gott að setjast niður og pæla í hugsunum og tilfinningum með ykkur, þið gerðuð þetta svo notalegt og maður var endurnærður eftir tímann.

Þið voruð yndislegar og svo þægilegt að tala við – gott að fá að deila sinni líðan og pælingum með hinum konunum sem eru í svipaðri aðstöðu – svo gott að læra að kortleggja og þekkja í hvaða aðstæðum ég triggerast, læra að forðast þær eða undirbúa mig fyrir þær og síðan hafa góð verkfæri þegar atvik koma upp. Að koma mér aftur í hlutlausa núið, geta fundið frið og ró í öllum aðstæðum. Svo yndisleg og nauðsynleg áminning með jákvæðu staðhæfingarnar.